ဘယ်တော့ အားမှာတုန်း
<><><><><><><><>
လူ့အလုပ် ဆိုတာ -
အားလုံး တူရာပေါင်း ကြည့်ရင် ၂-မျိုးပါ
လောက ကိစ္စ , ဓမ္မ ကိစ္စ …
လောက ကိစ္စ ဆိုတာ -
လောကထဲမှာ ရောက်ရှိနေလို့
လောက ဝတ္တရားအရ ဆောင်ရွက်နေရတာတွေကို
လောကကိစ္စလို့ ခေါ်တယ် …
လောက ကိစ္စပြီးမယ့်နေ့ လုံးဝမရှိပါ
အကြောင်း အားလျော်စွာ
အနားယူတယ်သာ ရှိပါတယ်
အလုပ်ပြီးလို့ နားတယ်ဆိုတာ မရှိပါဘူး …
တစ်ဘဝ ကန့်သတ်ချိန် ပြီးသွားလို့
ရပ်လိုက်ရပေမယ့်
အလုပ်ကတော့ ဆက်ရန်ရှိသေးသည်
လောက ကိစ္စ ပြီးမသွားပါ …
ဓမ္မကိစ္စ ဆိုတာ -
ကိုယ့်ကိုယ်ကို ကယ်တင်တဲ့ အလုပ်ပါ
ကိုယ့်ကိုယ်ကို ဆယ်တင်တဲ့ အလုပ်ပါ …
အဲဒီ ဓမ္မကိစ္စကို
ချုပ်ကိုင်ထားတာက ❝ အပ္ပမာဒ သတိ ❞ …
သတိလို့ ပြောရင်
ဉာဏ်လည်း ပါလာတယ် …
သတိနဲ့ ဉာဏ်က
ဓမ္မကိစ္စအားလုံးကို ချုပ်ကိုင်ထားသော တရား …
လူတွေ ပြောတတ်ကြတာက
❝ အို-အားမှ မအားပဲ, အလုပ်တွေ ရှုပ်နေတာ
ဘယ်လို ကုသိုလ် လုပ်အားမှာလဲ ❞ လို့
ပြောတတ်ကြတယ် …
❝ ဒါဖြင့် ဘယ်တော့ အားမှာတုန်းဗျ ❞
❝ မသိဘူးလေ ❞
ဟုတ်တယ်
အားမယ့်နေ့ သိမှ မသိပဲ
အားမယ့်နေ့ ရှိမှ မရှိပဲနဲ့
အားမယ့်နေ့ ရှိကို မရှိတာ …
တရားက
အားဖို့မလို သိဖို့လိုသည်
အားချိန် မတောင်းပါဘူး …
အသိတရားတောင်းတာ
အသိ အားလုံးကို အပ္ပမာဒသတိထဲမှာ
သိုမှီး သိမ်းဆည်း ထားပါတယ် …
အဲဒါကြောင့်
❝ အပ်ပမာဒနေ ❞
မမေ့မလျော့ , မပေါ့မဆ , တက်ကြွ နိုးကြား
အပ္ပမာဒဆိုတဲ့ သတိတရားဖြင့် ဆိုပြီး
သာသနာကျင့်စဉ်လေးကို ပြတာ …
#ယော_ဆရာတော်_ဘုရားကြီး
📌 အမှောင်ပျောက်၍ အလင်းရောက်ပါစေ။📌
0 တစ်ခုခုရေးမယ်:
Post a Comment